Ինչպե՞ս է Թուրքիան ԱՄՆ-ում խթանում իր գործերը. St. Louis Post-Dispatch պարբերականը գաղտնազերծումներ է արել Անկարայի կողմից Սենթ Լուիսի (Միսսուրի) նախկին դեմոկրատ կոնգրեսական Դիք Ջեֆարդտին տրված 8 մլն դոլարի վճարումների մասին։
Նշվում է, որ որպես Կոնգրեսի անդամ՝ Ջեֆարդտը հաճախ խոսել է թուրքական կառավարության ձեռքով 1.5 մլն հայերի զանգվածային մահերն ԱՄՆ-ի կողմից որպես ցեղասպանություն ճանաչելու անհրաժեշտության մասին, սակայն 2005 թվականին՝ Կոնգրեսը լքելուց հետո, նա հակառակ դիրքորոշում է որդեգրել։ Նրա հետկուլիսային աշխատանքն անվանվում է Կոնգրեսի կողմից Հայոց ցեղասպանության ճանաչման ամենամյա ձախողումների գործոն։
Համաձայն Արդարադատության նախարարության տեղեկագրերի՝ Ջեֆարդտի լոբբիստական ընկերությունը 2008-ից ստացել է ավելի քան 8 մլն դոլար, որպեսզի պայքարի Ցեղասպանության հռչակագրի դեմ և ներկայացնի Թուրքիան այլ վիճելի հարցերում, ներառյալ քրիստոնեական սրբավայրերի հայրենադարձումը, որոնք զավթվել են մուսուլմանական երկրում վերջին ավելի քան 1 դարի ընթացքում։
Մեծ եղեռնի 100-րդ տարելիցի առիթով երկու ամերիկահայ խմբեր ճնշում են Ջեֆարդտի լոբբիստական ընկերությանը թողնելու Թուրքիային որպես հաճախորդ, և կոչ անում ընկերություններին թողնել Ջեֆարդտին որպես իրենց լոբբիստ։
Ջեֆարդտը, որը հրաժարվել է արձագանքել հարցազրույցի շարունակական հարցումներին, արհամարհել է հայկական խմբերի նամակները։ Երեք ընկերություններ դադարեցրել են կապերը Gephardt Group-ի հետ այն պահից ի վեր, երբ երկու ամերիկահայ խմբեր սկսել են նամակագրական արշավը հունվարին, չնայած ոչ մեկը որոշումը հրապարակավ չի կապել նամակների հետ։
Ավելի վաղ Ջեֆարդտը հարցազրույցներից մեկում ասել էր, որ ԱՄՆ-ի և Թուրքայի միջև հարաբերությունները խորապես փոխվել են 9/11-ից հետո։
2003-ին նա եղել է Հայոց ցեղասպանության, Հոլոքոստի, Կամբոջայի և Ռուանդայի ցեղասպանությունների ճանաչման բանաձևի համահովանավոր։ Նա ասել էր, որ դրանք պետք է ճանաչվեն,որպեսզի կանխվեն հետագա ցեղասպանությունները, սակայն 4 տարի անց նա գումար է ստացել Թուրքիայից այդ ճանաչման դեմ պաքյարելու համար։
2007-ին Post-Dispatch-ի հետ հարցազրույցում նա ասել էր, որ աշխատում է հաշտեցման ուղղությամբ, որը կխուսափի Ցեղասպանության հռչակագրից։
