Այսօր Եռաբլուրում «Առաջին լրատվական»-ի հետ զրույցում ԱԺ նախագահ Գալուստ Սահակյանն ասաց, որ ինքը տեղեկություն չունի, որ հոսանքը 7 դրամով է թանկանալու, ինչպես երեկ հաստատել է Հանրային ծառայությունները կարգավորող հանձնաժողովը. «Այդ հարցը քննարկում է միայն ու միայն հանձնաժողովը: Որևէ այլ կառույց չկա քննարկող: Իսկ պատգամավորական քննարկումներն այդ հարցի շուրջ շարունակվում էին»:
Մենք ԱԺ նախագահից հետաքրքրվեցինք նաև, թե օրերս ԱԺ-ում Բիբինի մասնակցությամբ ինչ հարցեր են քննարկվել: «Դա փակ քննարկում չէր: Փակ՝ չի նշանակում գաղտնի: Դա աշխատանքային պրոցես էր մեր խմբակցության համար: Այդ հանդիպման ժամանակ սակագնի հարց չի քննարկվել, մենք ուզում էինք հասկանալ հայտը և դրա շուրջ պատգամավորների մոտեցումները»,- ասաց Սահակյանը:
Նա նաև նշեց, որ թանկացումը, բնականաբար, իր ազդեցությունը կունենա տնտեսության ու հասարակության վրա, բայց դե, «ամեն ինչ իր գինն ունի»՝ եզրափակեց ԱԺ նախագահը:
