Գերմանացի ռեստորատոր Սիլվիո Շտելցերը Սաքսոնիայում գաղտնի մառան է հայտնաբերել, որտեղ 1944-ին Ադոլֆ Հիտլերի հրամանով կոնյակ և տարատեսակ դելիկատեսներ են թաքցրել: Այս մասին հաղորդում է Bild-ը:
Նշվում է, որ մառանում, բացի կոնյակից, թաքցրած է եղել նաև շամպայն, պանիր, բլիթներ, պահածոներ, երշիկներ, շոկոլադ և ծխախոտ: Դրանք թաքցված են եղել 6 խոր նկուղում, որը գտնվում է Մորիցբուրգ ամրոցի կայանտեղիի տակ` Բեռլինից 160 կմ հեռավորության վրա: Շտելցերն ասել է, որ պատերազմից հետո ֆյուրերի բոլոր պաշարները դուրս են տարվել Կարմիր բանակի կողմից:
Ռեստորատորը, ով կալվածքը ձեռք է բերել 2007-ին, ասել է, որ մառանի մասին իմացել է դրա նախկին սեփականատիրոջ` կոմս Էռնեստ Հենրիխի փաստաթղթերից, որոնք էլ գտնվել են ամրոցի վերակառուցման ժամանակ: Դրանցից պարզ է դառնում, որ բանակի սպաների համար նախատեսված պաշարները գիշերներն են բերել Մորիցբուրգ:
