Ազգային վիճակագրական ծառայության տվյալներով, 2010 թ. հունվարի 1-ի դրությամբ, նախորդ տարվա համեմատ, արձանագրվել է բնակչության դրամական եկամուտների աճի միտում:
Այսպես՝ տնային տնտեսության մեկ շնչի հաշվով միջին ամսական դրամական եկամուտներն աճել են 4.4%-ով: Դրամական եկամուտների աճ է արձանագրվել պետական կենսաթոշակներից և նպաստներից` 15.3%-ով, վարձու աշխատանքից` 5.8%-ով: Արդյունքում՝ ավելացել են նաև վերը նշված աղբյուրներից ստացված եկամուտների մասնաբաժիններն ընդհանուր դրամական եկամուտներում համապատասխանաբար` 1.9 և 0.7 տոկոսային կետերով:
Փոխարենը կրճատվել են ինքնազբաղվածությունից (35.7%-ով), գյուղմթերքի և գյուղատնտեսական կենդանիների վաճառքից (5.9%-ով), տրանսֆերտներից (0.9%-ով) ստացված դրամական եկամուտները, իսկ վերջիններիս մասնաբաժինները նվազել են համապատասխանաբար` 3.4, 0.7 և 0.5 տոկոսային կետերով: Կրճատում է արձանագրվել նաև սեփականությունից (վարձակալում, տոկոսներ, շահաբաժին) ստացված եկամուտներ խմբում (28.6%-ով), սակայն վերջինիս մասնաբաժինը մնացել է անփոփոխ:
