Վերջին 15 տարվա ընթացքում համացանցի օգտատերերի թիվն աճել է 8 անգամ`հասնելով 3.2 մլրդ մարդու, նրանցից 2 մլրդ-ն ապրում է զարգացող երկրներում: Այս տվյալները հրապարակել է էլեկտրոնային կապի միջազգային ծառայությունը`ՄԱԿ-ի հովանու ներքո մայիսի 25-29-ը Ժնևում տեղեկատվական հանրության բարձր մակարդակի հանդիպման Համաշխարհային 8-րդ ֆորումի հետ կապված, գրում է TASS-ը:
Նոր վիճակագրությունը վկայում է, որ համացանցից օգտվողների թիվն աճել է 43 տոկոսով: Բացի այդ, աշխարհում այժմ առկա են 7 մլդր բջջային կապի բաժանորդներ, այնինչ՝ 2000թ.-ին նրանք 738 մլն էին:
Նշվում է, որ զարգացող պետություններում 4 մլրդ մարդ դեռևս համացանցին հասանելիություն չունի, իսկ ավելի պակաս զարգացած երկրներում 940 մլն մարդուց համացանցին հասանելիություն ունեն ընդամենը 89 մլն-ը: Հարուստ երկրներում համացանց ունեն տնտեսությունների 80 տոկոսը, իսկ զարգացող երկրներում`34 տոկոսը:
