Ադրբեջանի արտգործնախարար Էլմար Մամեդյարովը Ռիգայում ԵՄ Հարևանության և ընդլայնման հարցերով հանձնակատար Յոհանես Հանի հետ հանդիպման ժամանակ, որը կայացել է «Արևելյան գործընկերության» գագաթնաժողովի շրջանակում, եվրահանձնակատարի ուշադրությունը հրավիրել է ԼՂ հակամարտության կարգավորման բանակցային գործընթացի վրա և նշել այդ հարցով միանշանակ և հստակ դիրքորոշում հայտնելու կարևորությունը։ Այս մասին հայտնում է Trend-ը։
Ինչպես ավելի վաղ տեղեկացրել էինք՝ Յոհանես Հանի հետ հանդիպման ժամանակ Ադրբեջանի արտգործնախարարը եվրահանձնակատարին է ներկայացրել ռազմավարական գործընկերության մասին համաձայնագրի նախագիծը։