ԱՄՆ-ում 3-ամյա տղան ատրճանակով վիրավորել է իր 1 տարեկան քրոջը՝ կրակելով նրա դեմքին։ Այս մասին հաղորդում է RIA Novosti-ն:
Դեպը տեղի է ունեցել ԱՄՆ Ֆլորիդա նահանգի Վենիս քաղաքում՝ ավտոմեքենայում, երբ երեխաները մնացել էին հսկողությունից դուրս: «Երեք տարեկան երեխան ավտոմեքենայում ատրճանակ է գտել և կրակոց արձակել, ինչի հետևանքով վիրավորվել է մեկամյա երեխան»,- ասել է շերիֆի բաժնի ներկայացուցիչ Վինս Մայերը:
Տուժած աղջկան հասցրել են հիվանդանոց: Նրա կյանքին ոչինչ չի սպառնում:
Նշվում է, որ միջադեպի ժամանակ երեխաների մայրն ավտոմեքենայում չի եղել, սակայն ներկա պահին ոչ մի քրեական մեղադրանք չի առաջադրվել:
