Չինաստանի Շենչժեն քաղաքում բացվել է Window of the World թեմատիկ զվարճանքների պարկը: Այնտեղ կան ամենաանհավանական ատրակցիոններից մինչև հայտնի հաստատությունների և թանգարանների կրկնօրինակներ: Ատրակցիոններից ամենայուրահատուկը դիակիզարանն է՝ հայտնում է novate.ru-ն:
Ատրակցիոնը կոչվում է «Սամադհի. 4D մահացու փորձ»: Ատրակցիոնի խնդիրն է այցելուներին առավել մեծ պատկերացում տալ այն մասին, թե ինչպես է կատարվում դիակիզումը:
Դիակիզարանում զբոսանքը սկսվում է դիահերձարանից, որը ոչնչով չի տարբերվում իրականից: Հոտը, լուսավորությունը, ձայները՝ ատրակցիոնի դիահերձարանում ամեն ինչ համապատասխանում է իրականությանը: Աշխատակիցները սպիտակ խալաթով են և դիմակով՝ ինչպես բժիշկները:
Դիահերձարանում մասնակցի «մարմինը» դնում են դագաղի մեջ և տեղափոխում վառարանի մեջ: Երբ մարդը հայտնվում է դիակիզարանի վառարանի մեջ, վառ լույս է բռնկվում, իսկ հատուկ խողովակներից տաք օդ է փչում, որի ջերմաստիճանը 40 աստիճան Ցելսիուս է:
