Արցախի Առողջապահության նախարարության Հանրապետական բժշկական կենտրոնը ճանաչվել է լավագույնը տարածաշրջանում: Այս անվանակարգին արժանացել է «Համազգային վստահություն» խորհուրդի կատարած հարցումների արդյունքում: Ա. Սպենդիարյանի անվան օպերայի և բալետի ազգային ակադեմիական թատրոնի շենքում մայիսի 13-ին տեղի ունեցավ խորհրդի«Հուսո աստղ» ամենամյա մրցանակաբաշխությունը: Մրցանակը բժշկական կենտրոնի գործադիր տնօրեն Կարեն Բազյանին հանձնեց արցախցի գրող, հրապարակախոս Զորի Բալայանը: Վերջինս լրագրողների հետ զրույցում պատմեց, որ իր կյանքը 18 տարեկանում հենց այդ հիվանդանոցում են փրկել:
75 տարվա պատմություն ունեցող հիվանդանոցը բազմիցս ռմբակոծվել էր ազատամարտի տարիներին և անկարող էր իրականացնել իր առաքելությունը: Այն հիմնանորոգվեց Սամվել և Կարեն Կարապետյանների հովանավորությամբ, շահագործման հանձնվեց 2013 թվականին: Իսկ 2014-ին արդեն ԼՂՀ Առողջապահության նախարար Հարություն Քուշկյանի նախաձեռնությամբ ու միջոցներով Ստեփանակերտի այս բժշկական կենտրոնում բացվեց անգիոգրաֆիայի բաժանմունք:
Ավելին՝ տեսանյութում
