Օսմանյան արքայազնի՝ ժամանակակից հեռախոսով սելֆի անելիս և մյուս ձեռքով էլ սուրը բռնած արտասովոր արձանը շատերի զարմանքն է առաջացրել, երբ այն հայտնվել է Թուրքիայի Ամասիա քաղաքում, կիրակի օրը հաղորդել է Hurriyet Daily News-ը:
Տարօրինակ արձանը բացվել է դրա նախորդ օրը քաղաքի գետաբերանում, համաձայն Doğan News Agency-ի:
Ամասիայի քաղաքապետ Օսման Ակբասի խոսքով՝ իրենք այդ արձանը դրել են լոկ տեսքի համար, որպեսզի այն ուշադրություն գրավի:
Լրատվամիջոցներում արձանի մասին լուրերի հայտնվելուց ժամեր անց արդեն տուրիստները հավաքվել են նրա շուրջը՝ սելֆիներ անելով արձանի հետ:
Օսմանյան ժամանակահատվածում սուլթանները այս քաղաք էին ուղարկում իրենց որդիներին՝ հայտնի որպես «Շահնզադե», որպեսզի նրանք սովորեին կառավարել: Ակբասը հայտնում է, որ արձանը ոչ մի այսպիսի «Շահնզադե» չի պատկերում:
Տուրիստները և քաղաքի բնակիչները արձանին վերաբերվում են թեթև սրտով՝ ասելով, որ այն գեղեցիկ է, և մտահղացումն էլ վատ չէ: Սակայն կան մարդիկ, ովքեր այդ կարծիքին չեն: Օրինակ՝ պատգամավոր Ռամիս Թոփալը Twitter-ի իր էջում գրել է, որ «Սա մեր կառավարության վերջին ներդրումն է՝ սելֆի անող Շահնզադե: Սա կատակ չէ»:
Արձանի հայտնվելուց միայն մեկ օր անց, սակայն, այն փչացրել են անհայտ վանդալները, ովքեր կոտրել են նրա բջջային հեռախոսը:
