Եթե դուք հավատում եք արտ-կոլեկցիոներ Ֆորեսթ Ֆենին, ուրեմն ինչ-որ տեղ՝ լեռնագագաթում, իրական գանձ է թաղված, որն սպասում է իր տիրոջը:
84-ամյա տղամարդը պնդում է, որ ինքը լեռներում 5 տարի առաջ թաքցրել է միլիոնավոր դոլար արժողությամբ ոսկով ու զարդերով լի տուփ, որի հայտնաբերման բալանին իր The Thrill of the Chase գրքում է՝ գրում է odditycentral-ը:
Տասնյակ հազարավոր մարդիկ միացել են գանձի որոնման աշխատանքներին, բայց ոչ մեկին մինչ օրս չի հաջողվել գտնել ցանկալի գանձը:
Ծնունդով Նյու Մեքսիկոյից Ֆենը վերադարձել էր Սանտա Ֆե 1970-ին իր կնոջ հետ: Նա միշտ է եղել արկածների սիրահար, բայց իր գանձը թաքցնելու միտք չի ունեցել մինչև 1988-ը, երբ նրա մոտ հայտնաբերվեց երիկամների քաղցկեղ:
Ինչպես ասել է նա՝ իր ողջ մնալու շանսերը քիչ էին, ու ինքը սկսեց մտածել իր հարստությունը ինչ-որ մեկի հետ կիսելու կրեատիվ ուղի: Այդ ժամանակ էլ նա մտածեց իր գանձերը թաքցնելու մասին: Չնայած նրա քաղցկեղը վերջնարդյունքում նահանջեց, նա շարունակեց առաջ տանել գանձը թաքցնելու իր ծրագիրը: Նա այն թաքցրեց ինչ-որ տեղ՝ լեռներում, սակայն ոչ ոք չգիտի, թե որտեղ:
Ֆենը միայն հաստատում է, որ դա կարող է լինել Կոլորադոն, Մոնտանան, Նյու Մեքսիկոն կամ Վայոմինգը, սակայն ասում է, որ մարդիկ պետք է գտնեն դրա հայտնաբերման բանալին:
Մոտավորապես 30 հազար մարդ է անցած տարի որոնել գանձը նրա գրքի հիման վրա, ևս 50 հազար մարդ ամռանը կփորձեն իրենց բախտը:
Ֆենի խոսքով՝ ինքը հիասթափված չէ, որ ոչ ոք դեռ չի գտել իր գանձը:
