Համարվում է, որ բոլոր հայտնիները դեռ մանկությունից են փառքի ձգտել: Իրականում, նրանցից ոմանց բախտն ուղղակի բերել է՝ ճիշտ պահին հայտնվելով ճիշտ վայրում:
Էվանջելին Լիլի
«Կենդանի մնալ» սերիալի գլխավոր հերոսներից մեկը՝ Էվանջելին Լիլին, նույնիսկ չի մտածել դերասանական կարիերայի մասին: Նա բորտ ուղեկցորդուհի է եղել Air Canda ավիաուղիներում, և մի քանի ժամ էլ աշխատել է սրճարաններից մեկում: Բախտը ժպտացել է նրան, երբ մի օր տուն վերադառնալիս նրան նկատել է մոդելային գործակալության աշխատակիցը: Մի քանի դրվագային դերերից հետո նրան առաջարկել են խաղալ Քեյթ Օսթինի դերը:
Պամելա Անդերսոն
Մալիբուի հայտնի փրկարար Պամելա Անդերսոնը սկսել է կարիերան որպես ֆիտնես-խորհրդատու հարազատ Վանկուվերում: Միևնույն ժամանակ, գարեջուր արտադրող ընկերություններից մեկը վարձել է գեղեցկուհուն որպես պրոմո մոդել: Անդերսոնի փառքի րոպեն եկել է այն ժամանակ, երբ նա քիպ շապիկով եկել է Կանադայի ֆուտբոլի առաջնության խաղին: Դադարներից մեկի ժամանակ օպերատորը Պամելային ցույց է տվել մեծ էկրանին, ինչն առաջացրել է հանդիսատեսի հիացմունքը: Դրանից հետո տղամարդկանց համար ամսագրերում նկարահանումներն իրենց սպասել չեն տվել:
Ջեյսոն Սթեթհեմ
Ջեյսոն Սթեթհեմը նույնպես միանգամից չի դարձել առնական հերոսի կերպար։ Անգլիացի դերասաը, պրոֆեսիոնալ մարզիկ է եղել և 12 տարի մտել է Մեծ Բրիտանիայի ջրի մեջ ցատկի ազգային հավաքականի կազմի մեջ: Ավելին, Սթեթհեմը մասնակցել է օլիմպիական խաղերին, բայց բազմիցս ասել է, որ սպորտն իր համար հոբի է եղել, բայց գումար վաստակել է Լոնդոնի փողոցներում օծանելիք ու զարդեր վաճառելով, ինչն այնքան էլ օրինական չի եղել: Բայց, հենց Ջեյսոնի ներկայացուցչական հմտություններն են որ ոգեշնչել են մոդելային գործակալության աշխատակիցներից մեկին՝ Սթեթհեմին ծանոթացնել Գայ Ռիչիի հետ, ով էլ նրանից աստղ սարքեց:
Ջոնի Դեպ
Ջոնի Դեպը միշտ երազել է փառքի մասին, բայց դերասան լինելու մասին չի մտածել: Մանուկ հասակից նա երազել է ռոք-աստղի կարիերայի մասին: Մայրը սիրով աջակցել է տղայի տարերքին և գնել է նրա համար առաջին կիթառը, քանի որ հենց երաժշտությունն էր 15-ամյա Դեպին շեղում ալկոհոից և թմրանյութերից: Դեռահասության շրջանում Դեպը նվագել է The Kids և P խմբերում, բայց մեծ հաջողության չի հասել: 20 տարեկանում նա ամուսնացել է Լորի Էն Էլիսոնի հետ, ով դիմահարդար էր կինոստուդիայում: Հենց նա էլ ծանոթացրել է Ջոնիին Նիքոլաս Քեյջի հետ, ով օգնել է տղային առաջին դերը ստանալ «Վյազերի փողոցի սարսափը» ֆիլմում:
Հարիսոն Ֆորդ
Հիմա է, որ Հարիսոն Ֆորդը համարվում է 20-րդ դարի ամենահաջողակ դերասաններից մեկը, բայց կարիերայի ամենասկզբում դժվար թե Ֆորդը կարողանար երազել աստղի կարգավիճակի մասին: Նրա բախտն այնքան չէր բերում, որ անգամ երբ դեր էր ստանում մոնտաժի ընթացքում, նրա մասնակցությամբ տեսարանները հեռացվում էին: Արդյունքում Հարիսոնը մնաց Հոլիվուդում, բայց փոխեց գործունեության ոլորտը՝ դառնալով փայտագործ: Մի անգամ նա կինոստուդիաներից մեկում դռներն էր փոխում, որտեղ ընթանում էր Ջորջ Լուկասի «Ամերիկյան գրաֆիտ» ֆիլմի լսումները: Նրան առաջարկել են մասնակցել, և նա վերադարձել է իր մասնագիտությանը:
Թոնի Բրեքսթոն
Աշխարհը չէր իմանա անզուգական Թոնի Բրեքսթոնի մասին, եթե պատահականությունը չլիներ: Խիստ կրոնական ընտանիքում դաստիարակված աղջիկը պատրաստվում էր նրան, որ ուսուցչուհի կդառնա, բայց նրա ծրագրերին խանգարել է երաժշտական լեյբլի հետ ծանոթությունը: Թոնին մի քանի ավտոմեքենան բենզինով լիցքավորելիս ոչ ոքի վրա ուշադրոթյուն չդարձնելով իր համար երգել է: Բարեբախտաբար, նրանից հետո կանգնած մարդը երաժշտական գործակալ է եղել, ով աղջկան հրավիրել է լսումների:
Չանինգ Տատում
Մանուկ հասակում Չանինգ Տատումը երկար ժամանակ չէր կարողանում կողմնորոշվել, թե ինչ մասնագիտություն է ցանկանում ունենալ, երբ մեծանա: Դեռահասության շրջանում նա տարված է եղել սպորտով, բայց քոլեջում հատուկ սպորտային կրթաթոշակից հրաժարվել է՝ թողնելով ուսումը: Նա ցանկացած աշխատանք կատարել է՝ շինարար, բրոքեր է եղել և վաճառող: Բայց դրանից հետո հասկացել է իր կոչումը և մերկապարող դարձել: Ճկունությունն ու ռիթմի զգացողությունն էլ նրան օգնել են դեր ստանալ «Քայլ առաջ» ֆիմում, որտեղից էլ սկսվել է Տատումի կարիերան:
