Ազգային վիճակագրական ծառայության «ՀՀ սոցիալ-տնտեսական վիճակը 2011թ. հունվար-փետրվարին» զեկույցում նշված է, որ ըստ ՀՀ կառավարությանն առընթեր անշարժ գույքի կադաստրի պետական կոմիտեի ամփոփ տեղեկատվության` 2011թ. հունվարին հանրապետությունում անշարժ գույքի նկատմամբ իրականացվել են 9631 գործարքներ, իսկ 2011թ. փետրվարին` 14834 գործարքներ:
Փետրվարին իրականացված գործարքների մոտ 30%-ը կատարվել է Երևանում, մոտ 13%-ը` Կոտայքի մարզում: Ընդհանուր իրականացված գործարքների մոտ 24%-ը օտարման գործարքներն են, 18.4%-ը` առաջնային գրանցումը, 11.6%-ը` ժառանգության իրավունքի գրանցումը, 28.5%-ը` այլ պետական գրանցումը, 13%-ը` գրավադրումը:
