Հրազենի վաճառքի կանոնների խստացման հավանականությունը, որը կարող է լիովին արգելել դրանց վաճառքը, ամերիկյան հասարակության շրջանում առաջացրել է անասելի մտահոգություն: Զենք և զինամթերքի առուվաճառքով զբաղվող որոշ խանութներ բախվել են որոշ զինատեսակների դեֆիցիտի, քանի որ զենքի ձեռք բերման մեծ պահանջարկ է սկսվել:
Ամերիկացիները կրկին իրենց անօգնական են զգացել և շտապել են զենք ձեռք բերել, այնպես, ինչպես տաք կարկանդակներ: Փորձագետների կարծիքով` պահանջարկի նման մեծությունը կապված է վերջին շրջանում ամերիկյան ուսումնական հաստատություններում իրականացված սպանությունների հետ: Զենքի խանութի տերերից մեկը նշել է, որ վերջին շրջանում շատ են ձեռք բերում զենք, և որ դրանց վաճառքի քանակը կրկնակի մեծացել է: Դա նաև բացատրում են այն հանգամանքով, որ երկրի նախագահ Օբաման վերջին շրջանում հաճախ է սպառնում արգելել զենքի վաճառքը:
Դեկտեմբերի 14-ի ողբերգությունից հետո, երբ Նյութաուն քաղաքի դպրոցներից մեկում Ադամ Լանզը սպանել էր 27 հոգու, որոնցից 20–ը երեխաներ էին, դեմոկրատ սենատոր Դիանա Ֆեյնսթին անմիջապես խոստացել էր Կոնգրեսի վերանայմանը ներկայացնել զենքի վաճառքի կանոնների խստացման մասին օրինագիծը: Նմանօրինակ փաստաթուղթ կներկայացվի նաև Ներկայացուցիչների ալատ:
Սենատոր Չարլզ Շումերը նշել է, որ հիմա այն բեկումնային պահն է, երբ կարելի է որևէ բան անել: Երեք օրվա ընթացքում ավելի քան 120 հազար ամերիկացիներ ստորագրել են ԱՄՆ կառավարությանը ներկայացվելիք միջնորդագրի ներքո, որով պահանջում են քննարկել զենքի ազատ առևտրի սահմանափակումների միջոցները: Փաստաթուղթը, որը տեղադրված է Սպիտակ տան կայքէջում, պետք է ամենաքիչը 25 հազար ստորագրություն հավաքի, որպեսզի դա նախագահի աշխատակազմը քննարկի:
