Ներկայումս Թուրքիայում հույսի մթնոլորտ է տիրում, և մենք չպետք է թույլ տանք, որպեսզի այդ հույսերը չիրականանան: Այս մասին հայտարարել է Թուրքիայի վարչապետ Ռեջեփ Թայիփ Էրդողանը:
«Մենք բոլորին լավ ենք վերաբերվել. Թե՛ քրդերին, թե՛ թուրքերին, թե՛ արաբներին: Դրա հետևանքով էլ ներկայիս գործընթացը կոչվել է «լուծման գործընթաց»: Մենք միևնույն պատմության, հողի և մշակույթի զավակներն ենք: Մենք այն սերնդի հետնորդներն ենք, ովքեր թաղված են միևնույն գերեզմանոցում: Մենք ժողովուրդներ ենք, որոնք միևնույն աղոթքն են կարդում: Մենք կլինենք եղբայրներ, միասին կապրենք, և մեր թշնամիները մեզ կնախանձեն: Մենք հնարավորություն չենք տա նրանց, ովքեր ցանկանում են խոչընդոտել այդ գործընթացին: Դե ուրեմն, եկեք ուրախացնենք ոչ թե թշնամիներին, այլև ձեր մայրերին և հայրերին»,- հայտարարել է Թուրքիայի վարչապետը:
