«Մեր թիմի բոլոր անդամները իմ համար շատ հարազատ են, և հորեղբոր աղջիկ կամ նրա ամուսին լինելը փաստ չէ, որ ինձ ավելի մոտիկ է, քան իմ ընկերը: Իրականում թիմի ձևավորման մեջ կա մի գաղափար. ով էֆեկտիվ է գործառույթ կատարում, աշխատելու է»,- անդրադառնալով լրագրողների այն հարցին, թե ինքը աշխատանքի է ընդունում իր բարեկամներին՝ նշեց Երևանի քաղաքապետ Կարեն Կարապետյանը:
Նա ընդգծեց, որ կան խաղի կանոններ և պահանջներ, որոնք քաղաքապետարանի աշխատակիցները պետք է կատարեն:
«Նույնիսկ բարեկամներին կամ հարազատներին բերելուց, իրենց պռոշը չի էլ ճաքում գան ստեղ: Չեմ թաքցնում` ՀայՌուսգազարդից ես իմ որոշ թիմակիցների խնդրել եմ, որ գան քաղաքապետարան, բայց տեսեք՝ իրենք երջանի՞կ են դրանից: Մինչև 6-ը աշխատում էին, երեկոյան ազատ էին, իսկ հիմա… չեմ կարծում, որ բոլորը շատ ուրախ են, որ եկել են քաղաքապետարան, բայց դա չի նշանակում, որ ես վստահ չեմ, որ իրենք իրենց ֆունկցիաները լավ չեն կատարում»,- եզրափակեց Կարապետյանը:
