Կարապետ Գուլոյանն արդեն 20 օր է զբաղեցնում է Կոտայքի մարզպետի պաշտոնը, սակայն Աբովյանի քաղաքապետի նրա լիազորությունները օրենքով սահմանված կարգով չեն դադարեցվել: Ստացվում է, որ Գուլոյանը ի պաշտոնե և՛ մարզպետ է, և՛ քաղաքապետ: Երբ կառավարությունը ապրիլի 2-ին որոշում կայացրեց նրան մարզպետ նշանակելու մասին, սպասվում էր, որ կարճ ժամկետում կհայտարարվի Աբովյանում քաղաքապետի նոր ընտրություններ նշանակելու մասին: Գործընթացը ձգձգվում է:
Ինչպես Armtimes.com-ի հետ զրույցում հայտնել է վարչապետի մամուլի քարտուղարԳոհար Պողոսյանը, կառավարության առաջիկա նիստում, որը տեղի կունենա վաղը, կդադարեցվեն Գուլոյանի՝ որպես համայնքի ղեկավարի լիազորությունները, կկայացվի արտահերթ ընտրություն անցկացնելու որոշում: Ըստ Ընտրական օրենսգրքի, համայնքի ղեկավարի արտահերթ ընտրությունն անցկացվում է նրա լիազորությունները դադարեցնելու մասին որոշումն ուժի մեջ մտնելուց հետո՝ 40-օրյա ժամկետի վերջին կիրակի օրը:
«Իրավական ակտերի մասին» ՀՀ օրենքով, կառավարության անհատական որոշումներն ուժի մեջ են մտնում ընդունման հաջորդ օրվանից: Այս դեպքում՝ Գուլոյանի լիազորությունները դադարեցնելու և ընտրություններ նշանակելու որոշումն ուժի մեջ կմտնի ապրիլի 23-ին: Դրան հաջորդող 40-օրյա ժամկետի վերջին կիրակին մայիսի 31-ն է: Թերևս, հենց այս օրն էլ կնշանակվեն Աբովյանի քաղաքապետի արտահերթ ընտրությունները:
Մանրամասները՝ սկզբնաղբյուր կայքում
