2014-ին ամբողջ աշխարհում ավելի քան 40 միլիոն տոննա էլկտրոնային և էլեկտրատեխնիկական արտադրանքների մնացորդներ են թափվել, վկայում են ՄԱԿ-ի տվյալները: Այս մասին է գրում korrespondent.net-ը:
Նշվում է, որ ուտիլիզացման է ենթարկվել մնացորդների 15%-ը, ընդ որում դրանց մեջ պարունակվող օգտակար նյութերը գնահատվում են 50 միլիարդ դոլար:
Այսպես կոչված էլեկտրոնային աղբն իր մեջ թանկարժեք և դժվար հայթայթվող մետաղներ է պարունակում, սակայն դրանց դուրս բերումը դժվար աշխատանք է և կարող է թունավորման պատճառ դառնալ:
ՄԱԿ-ի կանխատեսումների համաձայն՝ մոտակա երեք տարիներին էլեկտրոնային և էլեկտրատեխնիկական թափոնների ծավալը կաճի մինչև 20 տոկոս:
