Disney-ի կառավարման նախկին ղեկավար Դիկ Կուկը հայտարարել է սեփական Dick Cook Studios կինոստուդիայի հիմնադրման մասին, որի սկզբնական կապիտալը 150 միլիոն դոլար է, փոխանցում է Variety-ն:
Կուկի ստուդիայի ներդրումային աղբյուրը Չինաստանի խոշորագույն Citic Group կոնգլոմերատն է, որը պատկանում է պետությանը: 2014 թ. վերջին կորպորացիայի կարողությունը 967 միլիարդ դոլար է գնահատվել:
Կուկի խոսքերով՝ նրա ընկերությունը բացառապես զվարճալի կոնտենտով ընտանեկան դիտման համար նախատեսված ֆիլմեր կնկարահանի՝ ներառյալ մանկական և դեռահասների համար նախատեսված ֆիլմերը, անիմացիոն և կրթական նախագծերը:
Կուկը Disney-ը ղեկավարել է 2002-2009 թթ. և ընդհանուր առմամբ ընկերությունում աշխատել է ավելի քան 40 տարի:
