Համացանցում հայտնված հետաքրքիր տեսանյութում երևում է այն պահը, թե ինչպես են ոստիկանները տաբելային զենքի օգնությամբ փորձում բաժանել երկու եղջերուների, որոնք եղջյուրներով կռվելիս են եղել:
Եղջերուներին նկատել են Իլինոյս նահանգում: Կենդանիներն ամենայն հավանականությամբ կսպանեին միմյանց, եթե նրանց չբաժանեին:
Կրակելու համար հարմար դիրք ընդունելով՝ ոստիկանը երկար ժամանակ պտտվել է եղջերուների շուրջը: Հրաձիգը պետք է կոտրեր նրանց եղջյուրները՝ չվնասելով կենդանիներին: Սպան չորս անգամ կրակել է, որպեսզի բաժանի նրանց եղջյուրները: Դրանից հետո եղջերուները ինքնուրույն անտառ են հեռացել:
Իլինոյսի բնական ռեսուրսների ծառայության ներկայացուցիչը տեղեկացրել է, որ այպիսի դեպքեր հազվադեպ, բայց տեղի են ունենում:
«Արու եղջերուների միջև մենամարտերը սովորական բան են, սակայն պատահում է և այնպես, որ նրանց եղջյուրները խառնվում են: Երբեմն եղջերուները ինքնուրույն են ազատվում, երբեմն՝ ոչ: Դեպքեր են եղել, երբ հայտնաբերվել են եղջյուրներով խառնված արդեն զոհված եղջերուները»:
