Ապրիլի 24-ին НТВ հեռուստաալիքը կցուցադրի Հայոց ցեղասպանության զոհերի հիշատակին նվիրված «Գենոցիդ. Սկիզբ» փաստագրական ֆիլմը: Այս մասին հայտնում է ntv.ru-ն:
Հայոց ցեղասպանության սարսափելի դեպքերը հայ ժողովրդի կյանքը բաժանել են «նախքան»-ի և «հետո»-ի: «Գենոցիդ. Սկիզբը» առավելագույն ճշգրտությամբ և հավաստիությամբ Եղեռնի մասին պատմելու փորձ է՝ օգտագործելով արխիվային փաստաթղթեր և փոքրաթիվ վերապրածների պատմությունները:
Յուրահատուկ վկայությունների, օրագրությունների, կինոխրոնիկայի կադրերի, պատմաբանների, քաղաքական գործիչների, լրագրողների հարցազրույցների, ինչպես նաև գեղարվեստական վերակառուցման միջոցով հեղինակները կվերականգնեն 1915թ. ժամանակագրությունը և անհայտ մանրամասները:
Հեղինակներն իրենց հարցերի պատասխանների որոնումներով մեկնել են Թուրքիա, որտեղ եղել են ներկայումս այդ երկրի տարածքում պահպանված միակ հայկական գյուղում: Նրանք նաև գենոցիդի կենդանի վկաների են գտել:
