Բենեդիկտես XVI-ը ստորագրել է իր վերջին կարևոր նշանակումներից մեկը` գերմանացի իրավաբան, ֆինանսիստ Էռնստ ֆոն Ֆրայբերգի թեկնածությունը հաստատելով Վատիկանի բանկի կառավարչի պաշտոնում:
Ֆրայբերգը թե՛ մասնագիտական, թե՛ կրոնական տեսանկյունից անբասիր կենսագրություն ունի: Մինչ այս նշանակումը նա ղեկավարել է Blom+Voss Group-ը, որը զբաղվում է նավաշինության համար օգտագործվող մասերի արտադրությամբ:
Վատիկանի բանկի նախկին ղեկավարը` Էտտորե Գոտտի Տեդեսկին, պաշտոնանկ էր արվել 2012 թ. մայիսին՝ «առաջնային պարտականությունների ոչ պատշաճ իրականացման» մեղադրանքով: Այս ողջ ընթացքում փնտրում էին այդ պաշտոնին համապատասխան մեկին:
Մարտի 1-ից ինքնակամ հրաժարական ներկայացրած Պապը հավանաբար կկրի Հռոմի պատվավոր եպիսկոպոսի կոչումը: Սակայն դեռևս հայտնի չէ, թե նրան այսուհետ ինչպես են դիմելու՝ Բենեդիկտոս XVI, թե ուղղակի Յոզեֆ Ռատցինգեր:
Փետրվարի 13-ին Հռոմի Պապ Բենեդիկտոս XVI-ը, որպես կաթոլիկ եկեղեցու ղեկավար, հռոմեական տաճարում մատուցել է վերջին ծիսակարգը: Նա դատապարտել է քահանաների միջև վերջին բախումները:
Պապը հայտարարել է, որ կլքի կրոնական գահը փետրվարի 28-ին: Նա նաև նշել է, որ այդ որոշումը կայացրել է բավականին երկար մտածելուց հետո, քանի որ առողջական վիճակի պատճառով այլևս չի կարողանում աշխատել:
Սա ժամանակակից պատմության մեջ առաջին դեպքն է, երբ Պապն ինքնակամ հրաժարական է ներկայացնում:
