«Հայկազին սպանած տականքների փաստաբանները նույնիսկ ուզում են իմ դեմ մեղադրանք ներկայացնել , որովհետև, ես ասել էի՝ չեմ հավատում, որ կասկածյաներին ու վկաներին ոստիկանները ծեծել են, ջարդել-փշրել են»,-«Առաջին լրատվականի» հետ զրույցում ասաց Վազգեն Սարգսյանի անվան ռազմական ինստիտուտում հունվարի 29-ին դաժանորեն սպանված կուրսանտ Հայկազ Բարսեղյանի հայրը՝ Արկադի Բարսեղյանը:
Նա հիշեցրեց, որ գնդապետ Զարմիկ Մարկոսյանի որդու՝ Գնել Թևոսյանի փաստաբանը հայտարարել էր, որ վկաներին և կասկածյալներին քննիչներն այնպես են ծեծել, որ 5 օր նրանց չեն կարողացել տեսնել և սա պատերազմական ժամանակների ոստիականական ձևով առաջ գնացող գործ է: Արակդի Բարսեղյանն էլ ներկայացրել է իր տեսակետը. «փաստաբանները մեջ են բերում ու ասում ՝ խի՞ պիտի Հայկազի հայրը էտենց բան ասի, քննիչները խի՞ էն մատների արանքով նայում էդ գործին…այսինքն, քննիչները էդ հարցով պիտի ինձնով հետաքրքրվեն, գործից դուրս հայտարություն եմ արել »,-մանրամասնեց Արկադի Բարսեղյանը:
Սպանված կուրսանտի հայրն ասաց, որ իր համբերության բաժակը լցվել է. «փաստաբանները մեծ գումարներ են վերցրել էդ գործի համար, ամեն ինչ անում են, որ ցույց տան` աշխատանք են կատարում, նայեք ծնողներ և հարազատներ, ձեր որդիների համար գործ ենք անում, բայց ես կարամ ասեմ, որ լկտի գործ են անում, Բուդապեշտը թողած` Երևանում էս 4 սաֆարովների գործն են պաշտպանում, դրանք ո՞նց կարան մարդ կոչվեն հայ կոչվեն, չէ՞ որ դաժանորեն հայ կուրսանտ է սպանվել»,-շեշտեց Արկադի Բարսեղյանը:
Ըստ նրա՝ սպանության մեջ մեղադրվողները ոչ մի էական փաստ չունեն, որով փորձեն պաշտպանվել «Իմ երեխուն դաժանորեն սպանեցին, դրա հետ միասին վերցրին տարան պտտաձողին կախեցին խայտառակ ձևով, որ ցույց տան` ինքնասպանությունա եղել , հայ փաստաբանն էլ պաշտպանում է դրանց. Ասենք` ազատեցիր, վաղը չէս կարա ասես վաղը քո հարազատի հետ նույն բանը չի անի , չէ որ նա մարդկային արյան հոտն արդեն առել է, անմեղ մարդու արյան հոտը»:
Հայկազ Բարսեղյանի հայրը նաև ասաց, որ 4 մեղադրյալների հարազատներն իր հետ կապ հաստատել չեն փորձել, ոչ էլ «ներողություն» բառն է հնչել. « ընդհակառակը 4-ն էլ կանգնում, ասում են ՝ մեղավոր չեն , խաբար չեն , Գնել կոչեցյալն էլ ասել է, որ Հայկազի ընկերնա եղել , էն ժամանակ էլ եմ ասել, հիմա էլ եմ ասում ՝ Հայկազը երբեք իրա ընկերը չի եղել, ինքն էլ Հայկազի ընկերը չէր կարա լինել»,-նշեց նա: Արկադի Բարսեղյանը նաև պատմեց, երբ Հայկազի կուրսի երխաները եկել են , խոսել է իրենց հետ և նրանք փաստել են, որ Հայկազը բոլորի հետ լավ հարաբերություններ է ունցել բացի այդ 4-ից. «ոչ ոք այդ չորսի հետ չի շփվել, եթե շփվել են, ապա միայն վախի ազդեցության տակ , թող ոչ մեկ չկանգնի ասի, որ դա սուտ է և այլն , ես դա անձամբ հարցրել եմ իրենց վաշտի երեխաներից , թող չկանգնեն ավելորդ բաներ դուրս չտան արդեն շատ են ավել-պակաս բաներ խոսում»:
Արկադի Բարսեղյանը նշեց, որ գործում դեռ նոր հանգամանքներ չկան, վերջինը եղել է այն, որ փորձաքննությունը ապացուցել է ,որ կասկածյալները խմած են եղել: Նա շեշտեց, որ ճիշտ կլինի, որ գործի շրջանակներում ներգրավվի նաև Գնել Թևոսյանի գնդապետ հայրը, որին սպանությունից հետո որդին զանգել է կանչել և վերջինս տեղեկացված է եղել և անմիջապես չի ահազանգել, լռել է:
Ըստ նրա՝ այս գործի արդարացի հանգուցալուծումը կապված է ՀՀ –ի պատվի հետ , քանի որ այս սպանությունը հայրենիքի դավաճանություն է. սպանվել է կարգապահ, հայրենասեր հայ սպա, ինչը ոչ միայն նրա հարազատների ցավը պիտի լինի:
Մանրամասները՝ տեսանյութում
