kulturologia.ru-ն պատմում է ամերիկուհի Կինեսա Ջոնսոնի մասին, որն աֆղանական պատերազմի վետերան է: Նա խաղաղ պայմաններում զենքը ձեռքին Աֆրիկայի բնությունը պաշտպանում է որսագողերից:
ԱՄՆ բանակում 4 տարի ծառայած Կինեսան միացել է VETPAW վետերանների կազմակերպությանը, որը զբաղվում է արևելաաֆրիկյան կենդանական աշխարհի պաշտպանությամբ: Որսագողերի ձեռքով տուժել են ռնգեղջյուրներ, փղեր և անհետացող կենդանիների այլ տեսակներ։ Զինվորականները որոշել են որսորդներին պատժել վայրի բնության օրենքներով: «Արյուն արյան դիմաց»՝ այսպիսին է թիմի նշանաբանը, որը Տանզանիա է ժամանել մարտի 26-ին և հանցագործների է որոնում:
Կինեսան մեկնել է՝ սովորեցնելու պարեկային հրաձգություն, առաջին բուժօգնության ցուցաբերում և հետախուզական աշխատանքի հմտություններ: Նրա խոսքով՝ անցած տարի 187 պարեկ է զոհվել, որոնք փորձել են պաշտպանել վայրի կենդանիներին: VETPAW ոչ կոմերցիոն կազմակերպությունը ստեղծել է պաշտոնաթող ծովային Ռայան Թեյթը, որը որոշել է 9/11 ծառայության նախկին փրկարարներին հավաքել որպես կամավոր:
Կինեսա Ջոնսոնը և նրա թիմը ոչ միայն հսկում են աֆրիկյան սավանան, այլև կամավոր նվիրատվություններ ընդունում բուսական և կենդանական աշխարհի զարգացման համար: Facebook-ում և Instagram-ում Կինեսան պարբերաբար ֆոտոզեկույցներ է տեղադրում, և այժմ VETPAW-ն արդեն ունի ավելի քան 45 հազար հետևորդ: Բացի դրանից՝ Discovery ալիքը մտադիր է փաստագրական ֆիլմ նկարել նրանց գործունեության մասին:
