Կտրուկ բռունցք անելիս մեր մատները կրճտում են, քանի որ մատների ոսկորների միջև փոքր դատարակություններ են առաջանում, ասվում է PLoS One ամսագրում հրապարակված հոդվածում:
«Այս դատարկությունները կարելի է համեմատել վակուումի հետ: Երբ կրճիկները հանկարծակի անջատվում են, միջհոդային հեղուկը չի բավարարում այդ տարածքները լցնելու համար, ինչ հետևանքով էլ առաջանում են այդ դատարկությունները, որոնք էլ նման ձայնի պատճառ են դառնում: Նախկինում ոչ ոքի չի հաջողվել տեսնել այդ պրոցեսը գործողության մեջ»,-հայտարարել է կանադացի գիտնական Գրեգորի Կավչուկը:
Ֆիզիկոսները այս երևույթը «տրիբոնուկլեացիա» են անվանել, որը երկու պինդ մակերեսներն անջատող հեղուկի բարակ շերտում պղպջակների հայտնվելն է: Երբ նման մակերեսները քսվում են մեկը մյուսին, հեղուկում ճնշումն ընկնում է, և դրա մեջ գազերի մոլեկուլներից միկրոսկոպիկ պղպջակներ են առաջանում:
