Չի կարելի նույն հարթության վրա դնել նացիզմը և ստալինիզմը: Նման կարծիք է արտահայտել Ռուասաստանի նախագահ Վլադիրմիր Պուտինը այսօր տեղի ունեցած իր ամենամյա ասուլիսում:
«Չի կարելի նույն հարթության վրա դնել նացիզմը և ստալինիզմը,- ասել է Պուտինը,, քանի որ նացիստները ուղիղ, բացահայտ և հրապարակավ իրենց նպատակներից մեկը հայտարարել էին ամբողջ էթնոսների՝ հրեաների, գնչուների և սլավոնների ոչնչացումը»:
Ինչպես հաղորդում է ՏԱՍՍ-ը, Պուտինը կարծում է, որ «իր ողջ անճոռնիությամբ, բռնաճնշումներով, ամբողջ ժողովուրդների աքսորներով հանդերձ, ստալինյան վարչակարգը, այնուամենայնիվ, իր առջև ոչնչացման նպատակ չի դրել»:
«Մեկը և մյուսը միևնույն հարթության վրա դնելու փորձը բացարձակապես որևէ հիմք չունի»,- վստահ է Պուտինը: Այնուամենայնիվ, նա խոստովանել է, որ նման համեմատության համար որոշակի առիթ իր նախորդները տվել են: «Երկրորդ համաշխարհային պատերազմից հետո մենք փորձում էինք արևելաեվրոպական երկրների վզին փաթաթել զարցացման մեր մոդելը, և դա անում էինք ուժով»,- ասել է նա: