«Գահերի խաղը» սերիալի 5-րդ սեզոնի պրեմիերան, որը կայացել է 2015թ. ապրիլի 12-ին, HBO հեռուստաալիքի նոր ռեկորդ է սահմանել:
Էպիզոդը դիտել է գրեթե 8 մլն մարդ, ինչը 1.4 մլն-ով ավելի է անցած սեզոնի ցուցանիշից՝ հայտնում է Deadline-ը:
Պարբերականը նշում է, որ հանդիսատեսի մեծ մասը 25-54 տարեկան մարդիկ են (5.25 մլն մարդ): Միաժամանակ գրանցվել է ևս մեկ ձեռքբերում՝ 5-րդ սեզոնի առաջին էպիզոդը դարձել է ամենավարկանիշայինը նախագծի ամբողջ պատմության ընթացքում:
Ապրիլի 11-ին համացանցում էին հայտնվել հեռուստաշոուի՝ դեռևս դուրս չեկած 4 էպիզոդներ: Մի քանի օրում դրանք բեռնել էին ավելի քան 5 մլն անգամ:
