2012 թ. տասնյակ լրագրողներ սպանվել են, հարյուրավորները՝ ձերբակալվել, պնդում են իրավապաշտպանները:
Ինչպես հաղորդում է BBC-ն՝ վկայակոչելով «Լրագրողների պաշտպանության կոմիտե»-ին, 2012 թ. իրենց պարտականությունների կատարման ժամանակ զոհվել է 70 լրագրող, իսկ ազատազրկման մեջ են հայտնվել 330-ը:
Զոհերի շրջանում եղել են Սիրիայի ռազմական իրադարձությունները լուսաբանող թղթակիցներ, սակայն մեծ մասը տուժել են հոդվածների և հետաքննության համար, որոնք կապված են իրենց երկրներում հանցագործության և կաշառակերության հետ:
Իրավապաշտպաններն ընդգծում են, որ լրագրողների դեմ հանցագործությունները հաճախ մնում են անպատիժ, իսկ դա լուրջ սպառնալիք է հանդիսանում աշխարհում խոսքի ազատության համար:
