Հռոմի պապ Բենեդիկտոս XVI-ը շարունակում է իրականացնել մինչ հրաժարականի մասին հայտարարությունը նշանակված պաշտոնական հանդիպումների ու միջոցառումների ծրագիրը: Այժմ այդ գործունեությունը կրում է հրաժեշտի բնույթ: Այս մասին հայտնում է ITAR-TASS-ը:
Հինգշաբթի պապը հրաժեշտ է տվել մայրաքաղաքային թեմի հոգևորականներին: Այդ թեմը նա գլխավորել է որպես Հռոմի եպիսկոպոս: Այսօր նա կընդունի Իտալիայի Լիգուրիա շրջանի եպիսկոպոսներին՝ կարդինալ Անջելո Բանյասկոյի գլխավորությամբ: Վերջինս հանդիսանում է Իտալիայի եպիսկոպոսների կոնֆերանսի նախագահը: Փետրվարի 16-ին տեղի կունենա նրա հանդիպումը Իտալիայի վարչապետ Մարիո Մոնտիի, իսկ փետրվարի 23-ին՝ նախագահ Ջորջո Նապոլիտանոյի հետ: Հրաժեշտի վերջին կոլետիվ արարողությունը տեղի կունենա փետրվարի 27-ին: Պապը գահը կլքի փետրվարի 28-ին:
Շարունավում են կարդինալների խպորհրդակցությունները պապի պաշտոնի առավել արժանի թեկնածուի որոնման ուղղությամբ: Միևնույն ժամանակ, կանոնական իրավունքի մասնագետները փորձում են գտնել մի շարք խորհրդանշական հարցերի պատասխաններ՝ ինչպե՞ս դիմել պաշտոնաթող պապին, կամ նա ի՞նչ կհագնի և այլն:
Յոզեֆ Ռատցինգերը անշուշտ չի կրի պապի սպիտակ հագուստը, սակայն կմնա՞ որպես կարդինալ՝ հայտնի չէ:
Հրաժարականից հետո նրա անվտանգությունը կապահովի Վատիկանի ժանդամերիան, այլ ոչ թե շվեյցարացի գվարդիականները:
