Ավստրալական Նուսա քաղաքից ամուսիններին վերադարձրել են նրանց ամուսնական մատանին, որը Բալիի ափերի մոտ կորցրել էին մոտավորապես ինն ամիս առաջ՝ հաղորդում է Mashable-ը: Զարդը հայտնաբերել է մեկ այլ ավստրալուհի Ռոքսի Ուոլշը, ով ինդոնեզիական հանգստավայրում ստորջրյա լողով է զբաղվել: Ապրիլի 7-ին ջրասուզորդը գտածոյի մասին հայտնել է իր Facebook-ում: Հինգ օր անց մատանու տերերը կապ են հաստատել նրա հետ:
Ուոլշը պատմել է, որ սովորական սուզման ժամանակ բարձրացել է ստորջրա անձավներից մեկի վրա, և այնտեղ էլ տեսել է մատանին:
Այդ հայտարարությամբ Facebook-ում կիսվել էր ավելի քան երկու հազար մարդ: Մատանու տիրոջը հաջողվել է գտնել շնորհիվ Darling Joe Happy 70th Birthday 2009 Love Jenny գրության, որը եղել է մատանու ներսի հատվածում:
Պարզվել է, որ մատանու տերերը՝ Ջո և Ջենի Լենգլիներն ապրում են Ուոլշի տնից երեք ժամվա հեռավորության վրա: Իմանալով այդ մասին, կինն անձամբ է տարել մատանին նրանց մոտ: Facebook-ում զարդի լուսանկարը հայտնաբերել էր նրանց 19-ամյա թոռնուհին:
