MTV ալիքը ներկայացրել է համանուն կինոֆրանշիզի հիման վրա նկարահանված «Ճիչ» սարսափ-սերիալի առաջին թրեյլերը: Հոլովակը հրապարակվել է YouTube-ում: Հեռուստանախագծի պրեմիերան նախատեսված է 2015թ. հունիսի 30-ին՝ նշվում է տեսանյութի մեկնաբանության մեջ:
Թրեյլերը ցուցադրում է դեռահասների խմբի, որոնց անհայտ մոլագար է հետապնդում: Միաժամանակ, հոլովակում ոչ մի անգամ չի երևում օրիգինալ կինոշարքի հակառակորդ կերպարը, որը ստացել է Ուրվականի դեմք մականունը: Մարդասպանը գլխարկով սև անձրևանոցով է, նա նույնպես դիմակ է կրում, որը քիչ է նման կինոյի դիմակին:
Variety-ն հայտնում է, որ հեռուստաադապտացիայում նկարահանվել են Ուիլլա Ֆիցջերալդը, Բելլա Թորնը, Էմմի Ֆորսայնը և Ջոն Քարնը: Փորձնական թողարկումը նկարահանել է ռեժիսոր Ջեյմի Թրևիսը:
«Ճիչի» առաջին լիամետրաժ թրիլլերն էկրան է բարձրացել 1996թ. դեկտեմբերին: Ֆիլմը միաժամանակ չի ընդունվել տարբեր երկրներում բռնության բաց տեսարանների պատճառով: Այդուհանդերձ, ֆիլմը սիրվել է հանդիսատեսի շրջանում և վարձույթում ավելի քան 170 մլն դոլար է հավաքել՝ 14 մլն դոլար բյուջեի դեպքում: 1997թ. թողարկվել է «Ճիչ 2» սիքվելը: 3 տարի անց թողարկվել է 3-րդ ֆիլմը, 11 տարի անց՝ 4-րդը: Բոլոր ֆիլմերում գլխավոր դերը կատարել է կանադացի դերասանուհի Նիվ Քեմփբելը:
