Անգլիացի ծովագնաց Ջեյմս Կուկին պատկանող ատրճանակը այսօր ավստրալական Մելբուռն քաղաքի աճուրդում վաճառվել է 227 հազար դոլարով՝ հայտնում է ITAR-TASS-ը՝ հղում կատարելով բրիտանական ԶԼՄ-ներին:
Ինչպես ասել է Leski Auctions աճուրդի տան ներկայացուցիչ Կասանդրա Հիլբերը, նիդերլանդացի վարպետների կողմից 17-րդ դարի սկզբին պատրաստված ատրճանակը ձեռք է բերել ավստրալական Վիկտորիա նահանգից մի գնորդ:
Աճուրդի կազմակերպիչները ակնկալում էին ստանալ 105-210 հազար դոլար:
Հիլբերը ընդգծել է, որ Կուկի անձնական իրերը ցուցադրող աճուրդը մեծ ուշադրության է արժանացել պատմության սիրահարների կողմից: «Այն հատուկ հետաքրքրություն է առաջացրել Նոր Զելանդիայում»,- նշել է նա:
Վերջինս հայտնել է, որ Կուկի մահից հետո ատրճանակը, կտակի համաձայն, հանձնվել է նրա քրոջը: Նրա ժառանգները այն պահել են ավելի քան 200 տարի՝ դա համարելով ընտանեկան սրբություն: 2003թ. Էդինբուրգի աճուրդում ատրճանակը գնել էր Մելբուռնի քաղաքապետ լորդ Ռոն Ուոլքերը:
Կուկը ղեկավարել է շուրջերկրյա երեք արշավախումբ, որոնց ժամանակ կատարել է մի քանի աշխարհագրական հայտնագործություններ:
