Գերմանիայի պատգամավորներից մեկը առաջարկել է տուգանել այն քաղաքացիներին, որոնց երեխաները հիվանդանոց են ընկնում սպիրտային խմիչիքները չարաշահելու պատճառով՝ գրում է The Local-ը:
Նման նախաձեռնությամբ է հանդես եկել առողջապահության հարցերով մասնագետ Հայնս Շպանը՝ Քրիստոնեա-դեմոկրատական միության ներկայացուցիչը: Նրա կարծիքով՝ այդ միջոցառումը անլուրջ ծնողներին կօգնի գիտակցել իրենց երեխաների նկատմամբ պատասխանատվությունը:
«Դեռահասների մեծ մասը խմում են կոմայի հասնելու աստիճանի ու ընկնում են հիվանդանոցներ, ինչը միանգամայն անթույլատրելի է»,- ընդգծել է Շպանը:
Նա նկատել է, որ նման դեպքերում ծնողները պետք է 100 եվրո տուգանք վճարեն այն ընկերությանը, որը տուժած երեխային բժշկական ապահովագրություն է տրամադրել:
Այդ քայլը, ըստ չինովնիկի, կօգնի առողջապահական համակարգին կրճատել ծախսերը:
Հյուսիսային Ռեյն-Վեսթֆալիայում հարբեցողության պատճառով հիվանդանոցում հայտնված 10-19 տարեկան դեռահասների թիվը անշեղորեն մեծանում է. 2011թ. նրանց թիվը կազմել է 6548՝ 4.3%-ով ավելի, քան 2003թ.:
Ամեն տարի 100 հազար դպրոցականներից 325-ը ստիպված դիմում են բժշկական օգնության սպիրտային խմիչքների չարաշահման պատճառով:
Ընդհանուր առմամբ ալկոհոլի հետ խնդիրներ ունեն 26 հազար երեխա ու դեռահաս:
