Քարդաշյանների ընտանիքը հողատարածք է նվեր ստացել Վահագնի թաղամասում: Այս մասին հավաստող փաստաթուղթը սոցցանցերի իր օգտահաշիվներում տեղադրել է Քիմ Քարդաշյանի քույրը՝ Քլոե Քարդաշյանը:
«Հովնանյանների երազանքն է, որպեսզի աշխարհով մեկ սփռված յուրաքանչյուր հայ իր տունն ունենա հայրենիքում: «Հովնանյան ինթերնեյլշնլ»-ը խթանում է այս գործընթացը, խրախուսում բացահայտել հայրենիքն ու ներդրում ունենալ նրա զարգացման գործում:
«Հովնանյան ինթերնեյլշնլ»-ը սույնով Քարդաշյանների գերդաստանին՝ Քիմբերլի Քարդաշյան Ուեսթին, Քլոե Քարդաշյան Օդոմին և նրանց ընտանիքին պարգևում է հողատարածք Հայաստանի առաջին մասնավոր համայնքում՝ Երևանի Վահագնի թաղամասում, որը կատարյալ վայր է Հայաստանում տուն կառուցելու համար»,- ասվում է փաստաթղթում:
Նկարին կից՝ Քլոեն գրել է. «Քուրթ և Ռոբ, մենք նվեր ունենք ձեզ համար, հողատարածք Հայաստանում»:
