Ամուսինների համար ամառանոցի վաճառքը ճակատագրական է եղել. կինը սպանվել է: Այս մասին հայտնում է «Փաստինֆո»–ն:
Դեռևս 2010թ. Կարենը (անունը փոխված է) իր կնոջ հետ ուղեւորվել է Պտղնի` ամառանոց գնելու նպատակով, որտեղ էլ ծանոթացել են նույն գյուղում իրենց ամառանոցը վաճառող ամուսիններ՝ Գևորգի և Վարդուհու հետ: Ամառանոցը չեն գնել քանի որ իրենց պահանջերին չի համապատասխանել, սակայն մտերմացել են և հետագայում ևս շարունակել շփվել:
2014թ. մայիսին Կարենն ու Վարդուհին հանդիպել են վերջինիս խնդրանքով, կինը պարտքով 10 000 ԱՄՆ դոլար է խնդրել, սակայն մերժում ստացել, ինչից հետո է սպառնացել Սերգեյին՝ չտալու դեպքում ամուսնուն ասել է, որ իրենք սիրեկաններ են:
Այդ սպառնալիքներից հետո էլ Կարենը հրաժարվել է գումար տրամադրել, ինչն էլ վիճաբանության առիթ է դարձել: Վարդուհին իջել է ավտոմեքենայից, Կարենն էլ կարծելով, որ նա իրականացնում է սպառնալիքները և ամուսնուն է զանգահարում, ևս իջել է մեքենայից և ստիպողաբար փորձել նրան նստեցնել ավտոմեքենան, վերջինս դիմադրել է ու աղմկել:
Կարենն էլ կնոջը լռեցնելու նպատակով իր մոտ պահվող ատրճանակից 1 անգամ կրակել է նրա մեջքին և հրելով նստեցրել ավտոմեքենան, սակայն կինը ցանկացել է դուրս գալ ավտոմեքենայից, որին հաջորդել է ևս 1 կրակոց՝ նրա կրծքավանդակին:
Գիտակցելով, որ կինը մահացել է` Կարենը նստել է իր մեքենան և ուղևորվել իր ամառանոց, որտեղ էլ ժամեր անց իր ամառանոցից քիչ հեռու թաղել է կնոջ դին, իսկ վերջինիս պայաուսակը՝ Երևան վերադառնալիս ճանապարհին նետել է Այնթափ գյուղի մոտակայքում:
Հանցագործության հետքերը թաքցնելու նպատակով Կարենը նաև մաքերել է իր ավտոմեքենայի հետին նստատեղի վրայի արյան հետքերը:
Զենեք-զինամթերքը թաքցնելու պահին էլ Կարենը ոստիականների կողմից բերման է ենթարկվել:
