Ավստրիացի երգիչ Թոմ Նոյվիրթը, որը հայտնի է Կոնչիտա Վուրսթ կեղծանունով, փորձել է «ավստրիացի Մոնա Լիզայի» կերպարը։ Այս հայտնում է The Daily Mail-ը։
Կատարողի դիմանկարը, որում կրկնօրինակվում է Գուստավ Կլիմտի «Ոսկե Ադել» նկարը, նկարել է լուսանկարիչ Էլեն ֆոն Ունվերտը։ Նկարը պատրաստվել է «Կյանքի պարահանդես» բարեգործական միջոցառման նախապատրաստության շրջանակում, որը կանցկացվի մայիսին Վիեննայում։
Կոնչիտայի պատկերով ցուցապաստառը կցուցադրվի Ավստրիայի մայրաքաղաքի փողոցներում։ Միջոցառման ժամանակ լուսանկարի բնօրինակը կվաճառվի աճուրդով։ Նշվում է, որ զգեստի ստեղծման վրա ավելի քան 12 հազար Swarowski բյուրեղ և 500 գրամ մարգարիտ է պահանջվել։ Զգեստին համապտասխան գույն տալու համար պահանջվել է մոտ 2.5 կգ ոսկեգույն ներկ։ Զգեստի վրա մոտ 1000 ժամ աշխատանք է տարվել։
Առաջին անգամ բարեգործական միջոցառումն անցկացվել է 1993 թվականին։ Ստացվող միջոցներն ուղղվում են ՄԻԱՎ-ՁԻԱՀ-ի դեմ պայքարին։
