Մալայզիացի ծաղրանկարիչ Զունարը կարող է մինչև 43 տարվա ազատազրկման դատապարտվել Twitter-ի գրառումներում «խռովություն հրահրելու համար»: Այս մասին հայտնում է Association Press-ը:
Ծաղրանկարիչ Զուլկիֆլի Անվար Ալհակեն՝ առավել հայտնի որպես Զունար, փետրվարի 10-ին 9 «ռիսկային» թվիթներ է հրապարակել: Այդ օրն ընդդիմադիր քաղաքական գործիչ Անվար Իբրահիմը սկսել է 5 տարվա ազատազրկման պատիժը կրել արվագիտության մեղադրանքով: Իր գրառումներում Զունարը խստորեն քննադատել է Մալայզիայի դատական համակարգը:
Զունարին մեղավոր ճանաչվելու դեպքում սպառնում է մինչև 43 տարվա ազատազրկում: Դատարանը ծաղրանկարչին գրավի դիմաց ազատ է արձակել, ինչից հետո նա Twitter-ում ծաղրանկար է հրապարակել, որում խոստացել է «նկարել մինչև թանաքի վերջին կաթիլը»:
