ԱՄՆ ռազմածովային ուժերի հատուկ օպերացիաների հիմնական տակտիկական ստորաբաժանման՝ Ուսամա բեն Լադենին ոչնչացրած աշխատակիցը չի ստանում կենսաթոշակ և բժշկական օգնություն,- հայտնում է Esquire ամսագիրը:
Ամսագիրը գրել է, որ նա մտածում է ծառայությունից հեռանալու մասին, հիմա միայն մտածում է, թե ինչպես կերակրի իր ընտանիքին և վճարի կնոջ և երեխաների բժշկական ապահովագրությունը:
Ի տարբերություն ԱՄՆ հատուկ ծառայությունների վետերան Մեթ Բիսսոնեթի, որը գրել է «թիվ մեկ ահաբեկչի մասին» «Դժվար օր» գիրքը, մյուս անդամները նույնը չեն անում կամ հանրության առջև ելույթ չեն ունենում, քանի որ կարող են խախտել ստորաբաժանման ներքին կանոնները,- գրում է ամսագիրը:
Esquire-ի տեղեկությամբ՝ ստորաբաժանման հրամանատարները հրահանգել են, որ Բեն Լադենի ոչնչացմանը մասնակցած 23 աշխատակիցները ԶԼՄ-ներում չխոսեն այդ մասին և իրենց պահեն այնպես, կարծես ոչինչ չի եղել:
