Հյուսիսային Կորեան Փհունգերիի ատոմային զորակայանից դուրս է բերել ողջ անձնակազմն ու տեխնիկան, ինչը Սեուլում գնահատում են որպես միջուկային երրորդ փորձարկման անխուսափելի անցկացման հնարավոր վկայություն: Այս մասին հայտնում է հարավակորեական «Ռենհապ» գործակալությունը:
Երկրի հյուսիս-արևելքում գտնվող զորակայանի տարածքից սպասարկող անձնակազմի և ստորգետնյա սարքավորումների դուրսբերումը թեև նկատվումէ անցած ուրբաթից, հարավկորեացի փորձագետները դժվարանում են սահմանել՝ դա ժամանակավո՞ր միջոցառում է, թե՞ ոչ:
Դեռևս հունվարին Հյուսիսային Կորեայի ներկայիս իշխանությունները նախազգուշացրել էին միջուկային երրրոդ փորձարկում անցկացնելու մասին: Ժամկետները չէին հաղորդվում:
Հարավային Կորեայի նախարարների կաբինետի ներկայացուցիչներից մեկն էլ կարծում է, որ զորակայանը լքելու փաստը կապված է լուսանային օրացույցով Նոր տարվա տոնակատարությունների հետ, որոնք սկսվել են կիրակի օրվանից:
Սեուլում չեն բացառում, որ հերթական փորձարկումը կարող է նվիրված լինեն երկրում փետրվարի 16-ին նշվող նախկին առաջնորդ Կի Չեն Իրի ծննդյան օրվան:
Միջուկային զենքի առաջին երկու ստորգետնյա փորձարկումներն իրականացվել էին 2006 և 2009 թվականներին:
