Նյու Ջերսիի Պարամուս քաղաքի ոստիկանությունը մեղադրել է նույն նահանգի Մահվա քաղաքի բնակիչ՝ 42-ամյա Տիգրան Մելքոնյանին Հայկական միսիոներական ասոցիացիայից ավելի քան 800 հազար դոլարի հափշտակման մեջ։ Այս մասին հայտնում է Cliffviewpilot.com-ը։
Ասոցիացիայի անդամի նախկին աշխատակիցը հափշտակել է գումարը ավելի քան 8 տարվա ընթացքում՝ իր համար գնելով 30 հազար դոլար արժողությամբ ավտոմեքենա, ինչպես նաև էլեկտրոնային սարքավորումներ, որոնք վաճառել է փող լվանալու համար՝ հայտնում են իշխանությունները։
Մեկ ամիս տևած հետաքննությունից հետո Մելքոնյանի դեմ առաջադրվել են գողության, փողերի լվացման և կորպորատիվ իրավախախտման մեղադրանքներ։
Դոնորների միջնորդությամբ զբաղվող աշխատակիցը իր անունով բացել էր մի քանի բանկային հաշիվներ և դրանց միջոցով գործել։ Քննիչները շարունակում են որոնել գողացված միջոցներին առնչվող ակտիվներ։
Մելքոնյանին ձերբակալել էին անցած հանգստյան օրերին, իր տանը։
