Քիչ առաջ լուր է ստացվել, որ «100-ամյակը առանց ռեժիմի» շարժման Եղեգնաձորի գրասենյակ է այցելել որպես Ոստիկանության Եղեգնաձորի բաժնի քրեական հետախուզության բաժանմունքի պետ ներկայացած անձնավորություն, պահանջել է հանել շինության վրա փակցված «100-ամյակը առանց ռեժիմի» պաստառը՝ պատճառաբանելով, որ քաղաքապետարանից թույլտվություն չկա։
Գրասենյակի աշխատակիցը հորդորել է խոսել գրասենյակի պատասխանատուի հետ, սակայն վերջինս հրաժարվել է։ «100-ամյակը առանց ռեժիմի» շարժման մամուլի ծառայությունից տեղեկացնում են, որ գրասենյակը տեղակայված է մասնավոր տարածքում։
