Այսօր լրագրողների հետ հանդիպման ընթացքում ՀՀ նախագահի թեկնածու, ՀԱԿ դաշինքի մաս կազմող «Ազատություն» կուսակցության նախագահ Հրանտ Բագրատյանը, անդրադառնալով ՀԱԿ կուսակցություն ստեղծելուն, ասաց.
«Ստեղծում են, թող ստեղծեն, ինձ ի՞նչ, «Ազատություն» կուսակցությունը այդ նորաստեղծ կուսակցության հետ կապ չունի:
Ես ուղղակի կարծում եմ, որ չեն ուզում միանգամից հայտարարել, որ ՀԱԿ-ը չկա, չգիտեմ: Ինձ զանգահարել են ՀԱԿ դաշինքի մաս կազմող կուսակցությունների ղեկավարներից, ասել՝ Հրանտ Արարատովիչ, ժամանակ ունե՞ք՝ խոսենք այդ մասին, ես էլ ասել եմ՝ այո՛, կարող ենք խոսել, բայց «Ազատություն» կուսակցությունը նորաստեղծ ՀԱԿ-ի հետ կապ չունի։ Դաշինքի մասով դեռ կանդրադառնամ, կքննարկենք, կասեմ ՀԱԿ դաշինքի մեջ մնալու կամ չմնալու որոշումս»,- ասաց նա:
Լուսանկարը՝ PanARMENIAN Photo-ի
