ԱՄՆ-ը մնում է պլաստիկ վիրաբուժության համաշխարհային կենտրոն: Այս մասին հաղորդում է Էսթետիկական պլաստիկ վիրաբույժների միջազգային կենտրոնը: Երկրորդ տեղում Բրազիլիան է:
Վիրահատության դիմողների քանակով, սակայն, ցուցակը գլխավորում են Հարավային Կորեան, Հունաստանը և Իտալիան:
Ըստ 996 պլաստիկ վիրաբույժների հետ զրույցի՝ պլաստիկ վիրահատությունների 21 տոկոսը (կամ 3.1 մլն) տեղի են ունեցել ԱՄՆ-ում: Ենթադրվում է, որ նրանց գործընկերները ևս մոտավորապես նույնքան վիրահատություն են իրականացրել:
Եթե 2011թ. ԱՄՆ-ում ամենատարածվածը վիրահատության միջոցով կրծքերը մեծացնելն էր, ապա այժմ ամենատարածվածը լիպոսակցիան է՝ մարմնի այս կամ այն հատվածից ճարպի հեռացումը: Քթի վիրահատություն ամենից հաճախ կատարվում է Չինաստանում, Ճապոնիայում, Բրազիլիայում: ԱՄՆ-ը, սակայն, գերակշռում է այնտեղ բնակվող պլաստիկ վիրաբույժների քանակով՝ 5950 վիրաբույժ: Բրազիլիայում բնակվում է 5024, Չինաստանում՝ 2000, Մեծ Բրիտանիայում՝ 450, Կանադայում՝ 425 պլաստիկ վիրաբույժ:
