Իսպանիայի վաչապետ Մարիանո Ռախոյ Բրեյը այսօր կառավարական կայքում հրապարակել է իր եկամուտների և իրեն պատկանող սեփականության մասին տվյալները: Այս մասին ասվում է կառավարության հարցերով նախարարության հատուկ հայտարարության մեջ:
«Մարիանո Ռախոյն անձամբ է ընդունել այդ որոշումը: Նա ժողովրդավարական կառավարության առաջին ղեկավարն է, ով հրապարակել է իր եկամուտների, վճարված հարկերի վերաբերյալ տվյալներ»,- նշել է փոխվարչապետ Սորայա Սաենս դե Սանտամարիան:
10 տարվա ընթացքում Ռախոյը ստացել է կառավարության հարցերով նախարարի, Իսպանիայի խորհրդարանի պատգամավորի և Իսպանիայի վարչապետի աշխատավարձ: Նրա եկամուտների մի մասն էլ որպես Ազգային կուսակցության առաջնորդներից մեկին տրվող վճարներն են կազմում: Բոլոր հարկերից և պահումներից հետո նրա տրամադրության տակ տարեկան 112-147,6 հազար եվրո է մնում:
Այս տվյալների հրապարակման որոշումը Ռախոյը ընդունել էր Ազգային կուսակցությունում ծագած կաշառակերության սկանդալի հետ կապված:
Ազգային կուսակցության ղեկավարությունը անհապաղ հերքել է բոլոր մեղադրանքները, սակայն նրա անունն արդեն իսկ վարկաբեկվել է: Ներկա պահին ավելի քան մեկ միլիոն մարդ է ստորագրել Ռախոյի պաշտոնից հեռանալու մասին պահանջը պարունակող հայտարարության տակ:
