Կրոնական շարժման առաջնորդը դատարանի կողմից դատապարտվել է 15 տարվա ազատազրկման համայնքի այլ անդամների վրա բռնություն գործադրելու համար:
Դատարանը որոշել է, որ անցած տարվա սեպտեմբերին Սեմյուել Մալեթ-ավագը իր ընտանիքի անդամների օգնությամբ որոշել է դաս տալ այն հավատակիցներին, որոնց հետ ինքը վատ հարաբերություններ է ունեցել:
Բռնության զոհ են դարձել վեց տղամարդ և երկու կին: Նրանց մազերը կտրել են, տղամարդիկ զրկվել են նաև մորուքներից:
Ամիշեյը ամենապահպանողական բողոքական շարժումն է: Ամուսնացած հավատացյալները չպետք է կտրեն մազերն ու չսափրեն մորուքը, քանի որ դա համարվում է ստորացում:
Ատենակալները համաձայնել են դատախազի ենթադրությունների հետ և ընդունել, որ կատարվածը հանցագործություն է, որն իրականացվել է ատելության հողի վրա: