Նոր հարցման համաձայն՝ մարդկանց մեկ երրորդը հետապնդում են իրենց նախկին ամուսիններին և կանանց սոցիալական ցանցերում: Իսկ ամեն հինգերորդը լրտեսում է իր նախկին կնոջ կամ ամուսնու նոր կողակցին: 7 %-ը սպառնում է համացանցում տեղադրել նախկին զուգընկերոջ բաց լուսանկարները: Այսպիսով, նույնիսկ բաժանվելով՝ մարդիկ չեն կարողանում թաքնվել իրենց նախկին կողակիցների հետաքրքրասեր հայացքներից: Բանն այն է, որ զույգերի ուղիղ կեսը այնքան են վստահում մեկը մյուսին, որ կողակցից չեն թաքցնում էլեկտրոնային փոստի, սոցիալական ցանցերի և բանկային քարտերի գաղտնաբառերը: Ընդ որում՝ 42 %-ը խոստովանում է, որ պարբերաբար կարդում է զուգընկերոջ էլեկտրոնային նամակները:
Միևնույն ժամանակ, հարցումը ցույց է տվել, որ զգացմունքների այդպիսի դրսևորումը կարող է շատ վատ հետևանքներ ունենալ, երբ մարդիկ բաժանվում են: Այսպիսով, հարցվածների 25 %-ը հետագայում զղջացել են, որ իրենց անձնական լուսանկարները ուղարկել են նախկին սիրեցյալներին:
Ինչպիսին էլ որ լինեն հարաբերությունները, հոգեբանները զգուշացնում են, որ գաղտնաբառերն ու փին-կոդերը հարկավոր է սիրեցյալից բաժանվելուց հետո փոխել, այլապես նոր հարաբերությունները սպառնալիքի տակ կհայտնվեն:
