ԱՄՆ-ի հյուսիս-արևելքում վատ եղանակային պայմանների պատճառով հետաձգվել են շուրջ 4000 ներքին և արտաքին չվերթներ, հաղորդում է Associated Press-ը:
Մասաչուսեթս, Կոնեկտիկուտ, Նյու Յորք, Իլինոյս նահանգներում մոլեգնում է սառը ցիկլոն, որն ուղեցվում է ուժեղ ձնաբքով և փոթորկով: Ամերիկյան խոշոր ավիաընկերությունները, ներառյալ United Airlines-ը, American Airlines-ը, Delta-ն, Jet Blue-ն, Southwest-ը, նախօրեին չեղյալ են հայտարարել շուրջ 2000 չվերթ, ներառյալ միջազգայինները: Ուրբաթ օրը վատ եղանակի պատճառով չեղյալ է հայտարարվել ևս 3.94 հազար չվերթ:
Ինչպես նշում է գործակալությունը, ավիաընկերություններն ուղևորներին հայտարարել են, որ պատրաստ են վերաձևակերպել գնված ավիատոմսերն այլ չվերթերով, առանց հավելյալ վճարի:
Նահանգների բնակիչները, որոնք գտնվում են «Նեմո» ձնաբքի էպիկենտրոնում, գնում են մթերքներ և պատրաստվում էլեկտրականության հավանական անջատմանը:
Ինչպես ակնկալվում է, «Նեմոն» կմտնի Նյու Յորքի պատմության ընթացքում տասը ամենաուժեղ ձնաբքերի ցուցակում: Քաղաքային իշխանությունները հետաձգել են դասընթացները դպրոցում և բնակիչներին կոչ են արել առանց ծայրահեղ անհրաժեշտության դուրս չգալ տնից:
