ԱՄՆ կենտրոնական հրամանատարությունը Պարսից ծոցում խոշոր զորավարժություններ է անցկացնում, տեղեկացրել է ИРНА իրանյան գործակալությունը։ Զորավարժություններին, որոնք կտևեն մինչև մարտի 31-ը, մասնակցում են 3 հազար ամերիկացի զինծառայողներ՝ տեղակայված Պարսից ծոցի երկրներում՝ Բահրեյնում, Քուվեյթում, Օմանում, Քաթարում, Սաուդյան Արաբիայում և ԱՄԷ-ում։
Զորավարժություններում ընդգրկված են նաև ավիակիրներ` ամերիկյան Carl Winson-ը և ֆրանսիական Charles de Gaulle-ը: Հղում անելով ամերիկացի և ֆրանսիացի ռազմական ներկայացուցիչներին` ИРНА գործակալությունը նշում է, որ այս զորավարժությունները կապված չեն Իրանի հետ, այլ ուղղված են Իրաքում ու Սիրիայում ԴԱԻՇ-ի գործողությունների դեմ:
