Ուկրաինայի ընդդիմադիր կուսակցությունների ակտիվիստները ընդհատել են Կիևի քաղաքային խորհրդի նիստը, որի ժամանակ պետք է ընդունվեր 2013-ի քաղաքային բյուջեն:
Տարբեր տվյալներով՝ այսօր առավոտյան քաղաքապետարանի շենքի մոտ է գտնվել 350-1000 մարդ: Ըստ «Կոմսոմոլսկայա պրավդա»-ի տեղեկությունների՝ ընդդիմադիրներն իրենց բողոքն են արտահայտել առաջարկված բյուջեի նախագծի դեմ, ինչպես նաև քաղաքային իշխանություններից պահանջել են Հյուրանոցային պալատին ճարտարապետական հուշարձանի կարգավիճակ տրամադրել և սկսել աէրացիայի «Բորտնիչեսկայա» կայարանի կառուցումը:
Ակցիայի մասնակիցները ցանկացել են ներխուժել շենք, սակայն բոլոր մուտքերն անվտանգության աշխատակիցների կողմից շրջափակված են եղել: Շուրջ 300 ակտիվիստներ (ըստ տարբեր աղբյուրների՝ ազգայնականներ և ՈՒԴԱՌ-ի կողմնակիցներ) կոտրել են կենտրոնական դռներն ու ներս մտել: Նրանց հետևել են մյուս ընդդիմադիրները: Գրոհի մասնակիցները վանկարկել են ազգայնական կարգախոսներ, պահանջել Կիևի վարչակազմի ղեկավար Ալեքսանդր Պոպովի հրաժարականը:
Որոշ տեղեկություններով՝ ակտիվիստները բարձրացել են 4-րդ հարկ և ընդհատել նիստը:
