Մեքսիկայի Pemex նավթային ընկերությունում աշխատակիցները խուճապի են մատնվել և դուրս են վազել շենքից՝ փչացած մթերքներով փաթեթներից առաջացած կեղծ ահազանգի պատճառով:
«Մարդիկ վախեցել են փչացած մթերքներով փաթեթի հոտից, սակայն ոչինչ տեղի չի ունեցել, բոլոր տարածքները ստուգվել են, աշխատանքի համար վտանգ չկա»,-մեջբերում է RIA Novosti-ն Pemex-ի գլխավոր քարտուղարի խոսքերը:
Շենքից ընդհանուր տարհանում չի հայտարարվել, սակայն ընկերության շատ աշխատակիցներ նախընտրել են արագ դուրս վազել այն բանից հետո, երբ տհաճ հոտ են զգացել:
Հիշեցնենք, որ հունվարի 31-ին Pemex-ի կենտրոնական գրասենյակում տեղի էր ունեցել պայթյուն, որի հետևանքով զոհվել է 37, վիրավորվել ավելի քան 120 մարդ: Մեքսիկայի գլխավոր դատախազ Խեսուս Մուրիլիո Քարամը նշել է, որ պայթյունի պատճառ է հանդիսացել մասնաշենքերից մեկի նկուղային տարածքում կուտակված գազը: